യുദ്ധത്തില്‍ ചിതറുന്നത്

വാക്ക് വാക്കത്തിയേക്കാള്‍ മൂര്‍ച്ചയുള്ളത് 

നാക്ക് തോക്കിനേക്കാള്‍ വെടി പൊട്ടുന്നത് 

വാക്ക് നാക്കീന്നു തെറിക്കുന്നതും

വാക്കത്തിയായ്‌ നുറുക്കുന്നതും

ഉള്ളില്‍ പേടിച്ചൊളിച്ചിരിക്കുന്ന 

മനസ്സിനെയാണ് !

അധികാരം വെട്ടിപ്പിടിക്കാന്‍ 

യുദ്ധം ചെയ്യുമ്പോള്‍ ചൊരിയുന്ന 

ബോംബുകള്‍ 

നിരപരാധികളായ,

 ഭയന്നൊളിച്ചിരിക്കുന്ന ജനങ്ങളെ

 ചുട്ടു ചിതറും പോലെ

പാവം മനസ്സും 

വാക്കുകളുടെ സ്പോടനങ്ങളില്‍ 

നൊന്തു ചിതറുന്നു ..!

**************************