എന്റെ തൂലികയില്‍ നിന്നടര്‍ന്നു വീണതെന്‍റെ
അത് നക്കിക്കുടിച്ചു നീ
ഒരു പിശാചിനെപ്പോലെ ചീറി .
ഞാന്‍ വരച്ചതെന്‍റെ
കാഴ്ചകളുടെ ചിത്രമാണ് !
അത് ചീന്തിക്കീറി ചിരിച്ചു നീ
എന്റെ കണ്ണുകളെ ചൂഴ്ന്നെറിഞ്ഞു!
ഇന്നലെ എന്റെ സ്വപ്‌നങ്ങള്‍
ഒരു ചിത്രശലഭത്തെപ്പോലെ
തേന്‍ തേടി നടന്നു .
ഒരു വിഷച്ചെടി നട്ടെന്‍റെ
മോഹ ശലഭങ്ങളെ
ഇന്ന് നീ കൊന്നു !
എനിക്കും നിനക്കും വേണ്ടി മാത്രമല്ല
ഈ ലോകം ,
നാളെ എല്ലാം വിട്ടുപോകാന്‍-
വിധിക്കപ്പെട്ടവരാണ് നമ്മള്‍ !
പിന്നെന്തിനാണ് ഞാന്‍ എനിക്കെന്നും
നീ നിനക്കെന്നും കടി പിടി കൂടുന്നത് !
ജീവിക്കുവാനൊരു പാത തിരയണം
അതിനെന്തിനാണ് പരസ്പരം
പടവെട്ടി ചാവുന്നത് !
ചിന്ത ചന്ത മുള്ളതും,
കാഴ്ച ഉള്‍ക്കാഴ്ചയുള്ളതും,
പാത സന്മാര്‍ഗമുള്ളതും ,
അറിവു നന്മ തിരിച്ചറിയുന്നതും,
ഇങ്ങനെ ഗുണ ഗണങ്ങളില്‍ നമ്മളായാല്‍
വളരുന്നത് നല്ലൊരു ലോകമാണ്.
---------------------------------------------
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ